اخبار مطمئنة للمدخنين

في اشاعات بيطلعوها علشان يخوفونا من التدخين , اوعي تصدقهم , وخليك جاهز للرد :

التدخين يتلف الرئة
وايه يعني ما انت عندك رئة تانية , وقد اثبتت الابحاث العلمية الحديثة ان الانسان ممكن يعيش برئة واحدة!
وهناك تطورات طبية سوف تسمح بنقل رئة من متطوع_ بس ميكونش من سكان بيتك لان صدرهم بايظ هو كمان والرئة ايلي في صدرهم ما بتبقاش احسن بكتير من رئتك ايلي اتحرقت _

التدخين بيجيب سرطان
وايه يعني معظم انواع السرطان بتتعالج دلوقتي
وكمان في اكتر من 100 حاجة دلوقتي غير التدخين ممكن تجيب سرطان , خليها علي الله

النيكوتين بيسبب الادمان
لا يوجد شيء اسمه ادمان النيكوتين , كل الناس ايلي عندها شخصية قوية كانت فعلا عايزة تبطل سجاير ونجحت في كده! ( انما ممكن تستعمل الجملة ديه حجة تتلكك بيها قدام ايلي بيقولك بطل السجاير )
وبعدين السجاير فيها حاجات تانية كتير غير النيكوتين , القطران مثلا ما بيسببش الادمان !

التدخين يتلف الفم
لا يوجد اي بحث طبي يثبت ان التدخين يسبب اصفرار الاسنان او يفسد رائحة الفم , دي اشاعات غير علمية بيطلعوها بيوع ايفا سمو كرز!

التدخين بيقصر العمر
ده نقص ايمان والعياذ بالله , ولكا اجل كتاب , التدخين مش ممكن يموتك قبل معادك اللي ربنا اختاره لك , انما بالكتير ممكن يخليك تستمتع في اواخر ايامك بسرطان الرئة مثلا او يقطع صدرك بالكحة بتاعة الربو او تصلب الشرايين او بأي حاجة من الامراض الحلوة ديه

التدخين حرام وممكن تاخد بسببه سيئات
بالعكس بقي , ده التدخين ممكن يشيل منك سيئات مادام بيجيب امراض بيتعذب بيها الانسان في الدنيا يبقي ممكن السيجارة تكفر سيئاته

التدخين بيضيع فلوسك , اولادك اولي
الفقر حشمة , مش احسن من كتر الفلوس اللي تخليهم يصرفوها في حاجة بطالة !